მანძილი შენამდე დიდია ~ თემურ მაკარაძის ბლოგი

ავტორი: ტარიელ ხარხელაური

კითხულობს: თემურ მაკარაძე

მანძილი შენამდე დიდია,

შენიდან ჩემამდე - არც ისე

ამინდი საგრძნობლად მშვიდია,

მანცვიფრებ...

ჯერ კიდევ ჰყვავიან ატმები,

ქარია - მომიტანს რამე ჭორს,

მე ვამბობ, არ მომენატრები,

შენ სდუმხარ, იღიმი

საეჭვოდ,

ვარსკვლავნი აენთნენ,

რომ ვხედავ, შორი-შორს

საკმაოდ,

მე ახლა გიჟი ვარ საერთოდ -

ჩემს ჭკვაზე გადმომყავს სამყაროც,

მუდმივად რაღაცა მაწამებს

და ჩემში მუდმივად ბინდია,

და მაინც მიზიდავს

წამწამებს

მთვარე რომ ნისლივით ჰკიდია.

შორს სადღაც ჰყვავიან ატმები,

ქარია - მომიტანს რამე ჭორს,

მე ვამბობ, არ მომენატრები,

შენ სდუმხარ, იცინი

საეჭვოდ.

მანძილი შენამდე დიდია